كتالوج الست امينة

كتالوج الست امينة يحفظ بعيدا عن متناول ايدي السيدات اسم المؤلف : ايهاب معوض

طبعًا يا صديقي ما بقاش فيه دلوقتي ست حلوة وست وحشة ولا ست فرفوشة وست نكدية. لكن فيه ست جوزها بيعاملها كويس ويدلعها ويديها فلوس تسافر بيروت تنفخ وتشفط فترجعله هيفاء عجرم. وفيه ست جوزها بيهينها ويقلل منها ويديها فلوس تروح السوق تشتري الخضار وتدفع الإيجار فترجعله تفيدة عبد المتجلي. يعني اللي بيصنع الاتنين هما فلوسك ومعاملتك وطبعًا حضرتك مفلس زي حالاتي يبقى مافيش قدامك حل غير إنك تعاملها كويس. بس علشان تعاملها كويس لازم الأول تفهم شخصيتها واحتياجاتها وتعرف هي بتحب إيه وبتكره إيه، علشان كده أنا عملت لك الكتاب ده اللي هتقدر من خلاله تحل شفرتها وتعرف كل حاجة عنها، وبكده ترجعلك هيفاء عجرم ومن غير ولا مليم. أي خدمة